Beberapa Umpasa Batak Simalungun - Siboro Blog

BeberapaUmpasa Batak Simalungun - Siboro Blog, baik yang biasa digunakan dalam kehidupan sehari-hari maupun di Ulaon Adat (upacara adat). : Baca Juga : ( Tradisi Demban dan batu ni demban - Siboro Blog )

Beberapa Umpasa Batak Simalungun - Siboro Blog

1.        Urat ni gatap tano, rongging marsiranggoman

Age pe padao-dao, Tonduytai tong marsigomgoman

2.        Ia bagod i nakkih, ilambung ni sampuran

Ia jaman on jaman canggih, ulang lupa hubani Tuhan

3.        Halambir ni sindamak, ikuhur dop ibola

Sinaha pe nini halak, ulang lupa bani horja

4.        Juma ni Tigarunggu, tubuhan lata-lata

Rajin ma hita mar minggu, ase tong-tong ihasomani Tuhanta

5.        Sinjata ni Indonesia, mariam dohot mortir

Andohar Indonesia jaya, Rakyat ni pe homa makmur

6.        I lambung passa-passa, Tubu bonani tobu

Age aha pe namasa, Hita ulang mahua

7.        Ratting ni hayu bor-bor, ibaen hu pingging pasu

Anggo rajin martonggo, Jumpahan pasu-pasu

8.        Boras ibagas supak, ibaen huparasanding

Horas nasiam na mulak, horas homa hanami na tading

9.        Boras ni purba tua, iboan hu tiga balata

Horas ma hita sayur matua, itumpak-tumpak Naibatanta

10.    Andor hadukka ma togu-togu ni lombu, togu-togu ni horbo, itogu hu Ajibata

Horas ma hita sayur matua, patogu-togu pahompu, das mar nini mar nono, ipasu-pasu Naibatanta

11.    Urat ni nangka, urat ni hotang

Hujape hita manlangkah, sai dapot-dapotan

12.    Tubuh ma sanggar dohot tobu, dohor hupagar kawat

        Tubuh ma anak pakon boru, jadi jolma na marpangkat

13.    Urat ni riba dagei iboan hu Sukadame

Ulang bei sai marbadai, sai roh ma uhur dame

14.     Dalan hua Ajibata, adong do tubuh Pisang

Anggo domma marrumah tangga, ulang ma adong hata mandok sirang

15.    Tubu sanggar dohot tobu i dolok-dolok

Tubu ma anak pakon boru na mok-mok.

16.     Arirang ni palia, madek-dek hu bong-bongan

Age adong parsalisihan, ulang mar sidom-doman

17.     Tubu ma sanggar dohot tobu, parasaran ni piduk

Tubu ma anak pintar dohot boru na bisuk

18.    Tubuh ma silanjuyang, itagil lang ra melus

Aha pe lang na hurang, anggo marhasoman Jesus

19.    Sada sikortas kajang, padua kortas hulipat

Sadokah ham marlajang, sada ham do hansa na hudingat.

20.    Habang ma anduhur, sogop hu goring-goring

Anggo pusuk uhur, eta ham mandoding-doding

21.    Hondor ma langge mu, i dolok si Marsolpah

Holong ni atei mu, ingaton ku do ai madokah

22.    Sihala sibarunje, ruak sihala bolon

Santabi ma bani umbei, dear nalang tarhorom

23.    Itampul bulu lihom, bulung ni irantingkon

Hatamu do masihol, hape uhur mu manadingkon

24.    Sedo lak-lak hasundur, haronduk ni buluk ku

Sedo halak hu sukkun, harosuh ni uhurhu

25.    Tumpak ni piring ledeng, paledang-ledang pahu

Loja do hapeni inang, pagodang-godang kon au

26.    Laklak itallik-tallik, i lambung ni pea-pea

halak na tahan marsik, ujungni jadi jolma na hasea

27.     Lak-lakni tamba tua, hoppa mambuat kuah

Pasangap orang tua, tong-tong dapotan tuah

28.     Lampuyang sakaranjang, bulung ni seng sadiha

Akkula do marganjang, uhur seng ope sadiha

29.    Marboras ma halawas, i jual hu Belanda

Horas ma nasiam martugas, haganupan wartawan

30.    Haporas ni silongkung, i huning i tubai

Anggo domma harosuh, ulang isumengi, lang ibadai

31.    Isuan ma timbaho, isuan manoran-noran

Paubah ma parlaho, ulang songon sapari, ase iharosuhkon hasoman

32.    Talaktak porling, sogop i bukkulan ni sopo

Indahan ni mata do borngin, ulang lalap ibodei lapo

33.     Ulang ihondor gumba, timbaho sihondoran

Ulang martonggo rupa, parlaho do sitonggoran

34.    Anduhur pinurputan, tading iparsobanan

Anggo uhur tinurutan, lang mar parsaranan

35.    Rage anak ni bintang, rage so hapulhitan

Buei do hata namantin, paima tangan dapotan

36.    Timbaho ni simarban, ulang mago sanrigat

Age lingot panonggor, ulang lupa pardingat

37.    Boras sabur-saburan, iboban ni pinggan pasu

Horas hita ganupan, sai jumpahan pasu-pasu

38.    Itarik gula, itanik songon tali

Age pe otik nasinari, ulang marsurei

39.    Irlak-irlak ma senter, itoru ni durian

Lang adong labuni jenges, anggo talu do ujian

40.    Initak ma sambor-bor, boras ronggit-ronggitan

Ijon hita manortor, ulang be borit-boritan

41.    Lang be tartalgis hon, pagaman ma na ronggos hon

lang be tartangishon, paganan ma na tor-torhon 

42.     Habang ma kapal terbang, mamboan pinggan pasu

Age daoh ham marlajang, ulang lupa ham hubakku

43.     Riang-riang bulung motung, Rap-rap bulung hoppawa

Hinariah hinabosur, Asal rup hita tartawa

44.    Bagod na madungdung Pilo pilo na jagar

Salosei ma nalungun Roh ma na jagar

45.     Habang ma ampul ampul Hu atasni tarbangun

On ma indahan apul apul Sai ulang be malungun

46.     Boras ni par sinaman Isuhat bani tapogan

Horas ma nasiam namangan Horas homa na nidapotan

47      Hodongni birah do Rokkat ni bagod

Dosni uhur do Sibahen na saud

48.    Ipongkah buluh balangkei Sigeini bagod puli

Pinungkahni oppungta na parlobei Ihutkononni na parpudi

49.    Nisuan sanggei sanggei I buttuni luhutan

Nasiam ma gabei Anggo marsipaihut ihutan

50.    Sin Raya sini Purba, Sin Dolog sini Panei

Manlangkah pe lang mahua, Asalma marholong ni atei

51.    Talun ni Purba saribu, Tubuhan hare hare

Hata podah hata pasu pasu, Sai ulang muba sai ulang mosei

52.    Boras san supak, Boras san nangging

Horas ma nasiam na mulak, Horas homa hanami na tading

53.    Timbahouni si morbou, Ulung magou san rihat

Age lingod panonggor, Ulang magou pardingat

54.    Andor hadungka, Togu toguni lombu

Sai sayur matua, Ronsi patogu togu pahompu

55.        Asarni poldong poldong, I buntu ni tapian

Mamasu masu ma hanami tondong, Sai roh ma parsaulian

56.    Asarni hati nong nong, I buntu ni tapian

Anggo mamasu masuma tondong, Lambin tambahma pansarian

57.    Palia na induru, Sibahut na i toppoh

Na maila marguru, Seng saut marpambotoh

58.    Hiou ragi panei, Bolion hu tiga runggu

Anggo sihol pandei, ulang maila marguru

59.    Halambir ni sindamak, Ikuhur dob ibolah

Nahape nini halak,Na nunut marsikolah.

60.    Na suan ma timbahou, Dua gantang sadari

Na ubah ma parlahou, Ulang songon sapari.

61.     Sihala uppat-uppat, Uppat sihala bolon

Hulajou do malluppat, Tapi haut sigundal bolon

62.    Gading-gading galogar, Galogar ni sin Rabayu

Tadingkon padan madokah, Gantih bani padan na baru.

63.    Anggo adong hata/pangabag na lepak Ulang iparuhurhon

Anggo ningon iparuhurhon, Paruhurhon ma hinamantinni.

64.    Jumani purba tua, Tubuhan hare-hare

Hata podah hata pasu-pasu, Sai ulang mubah sai ulang mosei

65.    Jumani tiga runggu, Dear suanan tobu

Hata podah pakon pasu-pasu, Abingan nami i tongah jabu.

66.    Surdung bulung sihala, Surdung lang marbuah

Hata podah/pasu-pasu humbani todong, Ase ampu nansiam ma haganupan tuah

67.    Asarni poldong-poldong, Sogopanni balang sahua

 Horasma nansiam tondong, Anak boru pe ulang mahua-hua

68.    Habang ma onggang tuk-tuk, Sogop bani hayu tumaling

 Ulang nansiam marhutuk, Buei do hanami na tading.

69.    Martampuk do bulung, Marbona sangkalan

Marnata do suhut, I tongahni adaran.

70.    Lang marduri ban-ban, Marduri do bangkuang

Lang marjudi badan, Marjudi do untungan

71.     Pala-pala manderes, Ulang mambur gotahni

Sapala na mambere, Ulang sonai dokahni

72.     Anggo hondor langgumu, Rigaton bulung birah

Anggo holong atei mu, Dingaton do magira

73.    Napuran tano-tano, Ranggit marsiranggoman

Age hutanta padaoh-daoh, Tonduyta marsigom-goman.

74.    Timbahouni si Morbou, Ulung magou san rigat

Age lingod panonggor, Ulang magou pardingat.

75.    Horas tonduy madingin, Pir tonduy matogu

Roh ma parumaen, Tambah inang parsuhutan.

76.    Boras ni par Sinaman, Iboan hu Balata

Horas hita ganupan, Itumpaki Tuhan Naibata.

77.    Talunni par Sinaman, Iparjumai si Sakkeus

Horas hita ganupan, Itumpaki Tuhan Jesus

78.    Siganda sigandua, Uratni podon-podon

Nasada gabe dua, Na tolu gabe manggolom

79.    Aekni Liang Nangka, Dear bahen paridian

Huja pe manlangkah, Sai dapotan pansarian

80.    Andor hadungka, Togu-toguni lombu

Sai sayur matua, Ronsi patogu-togu pahompu

81.    Marbanggal na maetek, Marganjang na mapondok

Manggar-gar na pinahan, Marlimbuah na sinuan

82.    Boras san supak, Boras san nangging

Horas nansiam na mulak, Horas homa hanami na tading

83.    Mandabuh batu baragu, Soding mandabuhonsi

Marsuruh anak boru jabu, Mamonting anak boru mintori

84.    Mandabuh batu baragu, Soding mandabuhonsi

Marsuruh anak boru jabu, Mamonting anak boru mintori

85.     Asarni poldong-poldong, I buntu ni tapian

Ma masu-masu ma hanami tondong, Sai rohma parsaulian

86.    Bagod na mamboboru, Agadanni parpongkalan

Horasma nansiam boru, Horas homa ma panogolan

87.     Asarni hati nong-nong, I buntu ni tapian

Anggo mamasu-masu ma tondong, Lambin tambahma pansarian.

88.    Tubuh ma hariara pakon tobu, I buntu ni tapian

Sai tubuhma anak pakon boru na jitu-jitu, Na tongka panahit-nahitan

89.    Hiou ragi hotang, Hotang panangkut para

Ulang hanami ngol-ngolan, Podas martupang ma abara

90.     Bintang na rumiris, Ombun na sumorop

Anak pe riris, Boru pe torop

91.    Sai tubuhan lak-lakma, Tubuhan singkoru

Sai tubuhan anakma, Tubuhan boru

92.    Madabuh jarum Hu na pot-pot

Lang ididah mata Tapi ididah uhur

93.     Marsiamin-aminan, songon lambakni galuh.

Ulang ipodomhon, Golapni tumba-tumba

94.     Songon pangombahni nan Raham, Tading tirahapni tupang.

Marsitungkol-tungkolan, Songon suhat i raboyon.

95.    Anggo hordong langgeimu, Regaton bulung birah

Anggo holong ateimu, Dingaton do magirah

96.    Dohor parlangkitangan, Dohoran paransuguhan

Dohor pe parsirangan, Dohoran do pardomuan

97.    Asok-asok mandurung, Dohor parlangkitangan

Asok-asok maruhur, Dohordo parsirangan

98.    Bonang na sahul-hulan, Isombok sasimbokan

Nanget marsisukkunan, Ulang marsisol-solan

Demikian artikel, Beberapa Umpasa Batak Simalungun - Siboro Blog , Apabila artikel ini bermanfaat bagi orang lain mohon untuk di share, Terima Kasih.