Kebaktian Minggu Model “A”
1.VOTUM-INTROITUS – TONGGO
Paragenda : Ibagas goran ni Naibata Bapa, pakon Tuhan Jesus
Kristus ampa Tonduy Na Pansing, Sitompa langit pakon tanoh on. Amen.
(Basaon ma sada ayat na marpardomuan hu bani goran ni Minggu/
Pesta janah ipaujung marhitei hata “Haleluya)
Kuria : (Mandodingkon) Haleluya, Haleluya, Haleluya.
Paragenda : Martonggo ma hita!
(Basaon ma sada tonggo na marpardomuan hu bani goran ni Minggu/Pesta)
2. MANDODING:
3. MAMBASA TITAH:
Paragenda : Tangar hita ma … Riap ma hita
mangindo!
Kuria : Ham Tuhan Naibata, pargogohi Ham
ma ahu mangkorjahon titah-Mu/hata-Mu ai. Amen
4. MANDODING:
5. HASASAPAN NI DOUSA :
Paragenda : Riap ma hita jongjong!
Martonggo ma hita, … Amen. Tangar hita ma Hata ni Naibata, bagah-bagah pasal
hasasapan ni dousa. Hasangapon ma bani Naibata i babou. Kuria : Amen.
6. MANDODING:
7. MAMBASA SIBASAON
Paragenda : Tangar hita ma Hata ni Naibata
na tarsurat bani … Amen. Martuah do na manangar Hata ni Naibata anjaha na
marimbagashonsi!
Kuria : Amen.
8. MANDODING
9. MANAKSIHON HAPORSAYAON/ACARA KHUSUS :
Paragenda + Kuria:
Ahu porsaya bani Naibata Bapa, Pargogoh na
so Kuria tarimbang, na manompa langit pakon tanoh on.
Ahu porsaya bani Jesus Kristus, Anak ni
Naibata na sasada in, in do Tuhanta, na tinubuhkon ni si Maria sanggah nape
haliaban, marhitei Tonduy Na Pansing. Na manaron na parngit, bani panorang ni
si Pontius Latus, iparsilangkon, matei anjaha itanom, turun hu nagori toruh.
Mulak manggoluh hun bani na matei bani an patoluhon. Naik hu surga anjaha
hundul i siamun ni Naibata Bapa, Pargogoh na so tarimbang in. Hunjai ma Ia
mulak magira laho manguhumi halak -na manggoluh pakon na dob matei.
Ahu porsaya bani Tonduy Na Pansing, bani
Kuria parsadaan na mapansing in, parsaoran ni sagala na mapansing in, bani
hasasapan ni dousa, bani parpuhoon ni angkula, pakon bani hagoluhan na sadokah
ni dokahni. Amen.
10. MANDODING:
11. AMBILAN:
12. MANGGALANG :
Paragenda :
a. Paima ipatumpu galangan, lobei ibasahon
Hata ni Naibata na gabe onjolan banta laho manggalang, janah dob ipatumpu,
b. Martonggo.
c. Kuria : Mandodingkon doding galangan
13. AGENDA PANUTUP
Paragenda :
a.
Tonggo
na mardomu bani goran ni Minggu/ Pesta
b.
Ham
Bapanami na i nagori atas. Sai napapansing ma goran-Mu! Sai roh ma harajaon-Mu.
Sai saud ma harosuh ni uhur-Mu i nagori tongah on songon na i nagoni atas! Bere
Ham ma bannami sadari on hagoluhan ari-ari. Sasap Ham ma dousanami songon
panasap nami bani dousa ni hasoman na mardousa dompak hanami! Ulang hanami
bobai Ham hu parlajouan! Paluah Ham ma hanami hun bani pangagou!
Kuria : (Mandodingkon)
Ai Ham do simada harajaon, pakon hagogohon ampa hasangapon sadokah
ni dokahni. Amen.
Paragenda : (Padaskon hata pasu-pasu)
Kuria : (Mandodingkon) Amen. Amen. Amen.
Kebaktian Minggu Model “B”
1. VOTUM – INTROIT TUS – TONGGO: (Model A)
2. MANDODING:
3. HASASAPAN NI DOUSA : (Model A)
4. MANDODING:
5. MANAKSIHON HAPORSAYAON/ACARA KHUSUS:
6. MANDODING:
7. AMBILAN:
8. MANGGALANG:
9. TONGGO GALANGAN – PANUTUP – PASU PASU
(Model A)
Catatan :
Anggo adong Horja Banggal Na Pansing (HBN)
na langsung bani Kebaktian Minggu, Model B ma ipakei. (Torih acara HBN!)
*
……………
*
Ambilan
*
Manggalang
*
Mandoding (Doding Persiapan HBN)
*
Agenda HBN…
Kebaktian Minggu Model “C”
1. VOTUM – INTROITUS – TONGGO
Paragenda
: Ibagas goran ni Naibata Bapa, pakon Tuhan Jesus Kristus ampa Tonduy Na
Pansing,
Kuria :
Sitompa langit pakon tanoh on. Amen.
(Irik
hujon, pilihon ma sada sibasaon marsibalos-balosan ronsi martonggo, hun bani:
a, b, c)
a.
Psalmen 23 : 1 – 6.
Paragenda
(P) : Jahowa Siparmahan ahu.
Kuria
(K) : Seng anjai hurangan ahu.
P: Ipatudu do ahu bani sampalan na mombur.
K
: Anjaha itogu-togu do ahu hubani bah
parsaranan.
P: Ipahisar do tonduyhu.
K
: Itogu do ahu bani dalan hapintoran
halani goran-Ni in.
P: Age pe mardalan ahu bani lombang bagas ni
hagolapan, seng mabiar ahu.
K: Ai Ham do manghasomani ahu, tungkot-Mu pakon
simambu-Mu do mangapohi ahu.
P: Ham do mangidangi ahu i lobei ni munsuhku.
K
: Iminaki Ham do ulungku anjaha sirnip
do panginumanku.
P: Dear layak ampa idop ni uhur do mangirik-irik
ahu sadokah goluhku.
K
: Janah sihol do marianan ahu i rumah ni
Jahowa, sadokah ni dokahni.
P
: Haleluya
P+K
: (Mandodingkon) Haleluya, Haleluya,
Haleluya.
P :
Martonggo ma hita
Ham
Jahowa Naibata … Amen.
b.
Psalmen 103 :1 – 6.
P: Puji
ma Jahowa ale tonduyhu.
K: Anjaha
hun bani gok ni uhurhu mamuji goran-Ni Na Pansing in.
P: Puji
ma Jahowa ale tonduyhu.
K:
Anjaha ulang ma halupahon ganup dear ni layak-Ni.
P: Ia
do na manasap sagala dousamu.
K :
Anjaha Ia na pamalumkon sagala naboritmu.
P: Na
paluahkon goluhmu humbani hamagouan.
K : Na
mansortalihon bam dear layak ampa idop iii uhur.
P: Na
pabosurhon sura-suramu marhitei na madear.
K : Ase
mulak bayu haposoonmu, songon manuk-manuk nanggordaha.
P :
Jahowa na mambahen hapintoron.
K : Anjaha
na pasintongkon uhum bani halak na hona dorun.
P :
Haleluya
P+K :
(Mandodingkon) Haleluya, Haleluya, Haleluya.
P :
Martonggo ma hita
Ham
Tuhan Naibata Bapanami … Amen.
c. Psalmen 93 : 1 – 4.
P
: Jahowa do Raja marpaheian hamuliaon.
K
: Marpaheian anjaha margondithon
hagogohon do Jahowa.
P+K
: Tongon ipojonam do dunia on, anjaha
seng anjai dugur.
P
: Totap do paratas-Mu hun bani na
basaia.
K
: Hun bani mula ni mulani domma dong
Ham.
P
: Marbanggal do bah, Ham Jahowa.
K
: Maling do pardosong ni bah, doras
tumang do parhasakni.
P
: Gogohan marimbang parhasak ni bah
banggal.
K
: Gogohan marimbang pargilumbang ni
laut.
P + K
: Lobih markuasanan do Jahowa i nagori
atas.
P
: Hasaksian-Mu, tongon do
tarhatengerhon.
K
: Hapansingon do na patut bani rumah-Mu.
P + K
: Ham Jahowa, ronsi sadokah ni dokahni.
P
: Haleluya
P + K :
(Mandodingkon) Haleluya, Haleluya, Haleluya.
P :
Martonggo ma hita
Ham
Jahowa, Naibata… Amen.
2. MANDODING
3. HASASAPAN NI DOUSA
Paragenda
: Riap ma hita jongjong! Martonggo ma hita mansopotkon dousanta.
Ham
Tuhan Naibata Bapanami, Na Pansing janah Pargogoh na so tarimbang. Na roh do
hanami hu lobei-Mu ibagas unduk ni uhur, ampa mansopotkon dousanami na banggal
in. Gati do hanami lang martenger ni uhur ha Bamu, maruhur sangsi janah gati do
hanami taruyun bani na masa i tanoh on. Gati soya panghophoponMu in ibahen
hanami, lang humbani gok ni uhurnami mangkaholongi Ham. Hapansingon pakon
hasintongan-Mu pe gati do ipabutak hanami bani dirinami, aima halani hagalekon
pakon hurang ni haporsayaonnami hu-Bamu. Bani haganupan dousanami in,
marpangulaki ma uhur-Mu bennami. lbagas Jesus Kristus sihophop hanami.
…………………………..
(Saat Teduh)
Riap ma
hita mangindo!
Kuria :
Ham Naibata, idop ma uhur-Mu bangku pardousa on.
Paragenda:
Ham Tuhan Naibata, Paridop ni uhur ampa Parholong atei hu bani haganup jolma.
Ihasiholi uhur-Mu do ase manggoluh hanami ibagas holong, damei ampa
halayakon-Mu. Tapi gati do hanami lang mangasup mandalankon in bani goluhnami
pakon dompak hasomannami. Hasadaon i tongah-tongahnami pe lape songon na
hinarosuhkon-Mu. Buei do halak na hiranan bani buah-buah ni haporsayaonnami.
Hajong-jongannami selaku garam pakon panondang, in pe gati lang ihagoluhkon
hanami. Bani haganupan hahurangannami in, marpanganju ma Ham bennami.
……………………………..
(Saat Teduh)
Riap ma
hita mangindo!
Kuria :
Ham Naibata, idop ma uhur-Mu bangku pardousa on.
Paragenda:
Ham Tuhan Naibata Bapanami, simada kuasa ampa na gok hasintongan. Domma ipilih
janah ipapansing Ham hanami marhitei Anak-Mu Jesus Kristus. Tapi gati do lang
ihajongjongkon hanami pandiloon ampa parsuruh-Mu in. Pingkiran ampa horjanami
an-an i pe, gati do lang songon na hinarosuhkon ni uhur-Mu idalankon hanami.
Age pasu-pasu na binere-Mu in pe, gati do ibahen hanami gabe dalan manundalhon
Ham. Ronsi tanggung-jawabnami laho manramotkon na tinompa-Mu marhitei na
melestarihon lingkungan hidup, ai pe gati do lolei hanami. Bani haganupan
panlaosionnami in, idop ma uhur-Mu, sasap Ham ma dousanami in.
…………………………(Saat
Teduh)
Riap ma
hita mangindo!
Kuria: Ham Naibata, idop ma uhur-Mu bangku pardousa
on.
Paragenda:
Tangar hita ma Hata ni Naibata, bagah-bagah pasal hasasapan ni dousa.
(Basaon
ma sada bagian/ayat pasal Bagah-bagah hasasapan ni dousa, lanjar irik
ihatahon.)
Hasangapon
ma bani Naibata i babou.
P +K
: Amen.
4. MANDODING:
5. MAMBASA SIBASAON:
Paragenda
: Tangar hita ma Hata ni Naibata na tarsurat bani …..(Hun bani Sibasaon
ari/Minggu ai, iujungi marhitei hata):
Amen.
Martuah do na anjaha na marimbagashonsi!
P +K
: Amen.
6. MANDODING
7. MANAKSIHON HAPORSAYAON/ACARA KHUSUS :
Paragenda
: Riap ma hita jongjong!
Saksihon
hita ma haporsayaonta in, songon na sinaksihon ni haganup halak na porsaya bani
sab tanoh on!
(Hun
bani : Apostolicum atap Niceanum atap Athanasianum).
8.
MANDODING :
9.
TONGGO SYAFAAT PAKON TONGGO RIAP :
Paragenda
:
Riap ma
hita jongjong! Martonggo ma hita.
(Manonggohon
na porlu/khusus)
Amen.
Riap ma
hita martonggo marhitei tonggo na ni ajarhon ni Tuhan Jesus hu banta :
P + K :
Ham Bapanami na i nagori atas …. Amen.
10. MANDODING :
11. AMBILAN:
12. MANGGALANG : (Model A)
13. TONGGO GALANGAN – PANUTUP/ PASU-PASU :
(Catatan: Lang pala dihut tonggo “Ham Bapanami”)
Kebaktian Minggu Model “D”
1. VOTUM — INTROITUS — TONGGO
Paragenda
:
Riap ma
hita jongjong! Ibagas goran ni Naibata Bapa, Anak pakon Tonduy Napansing,
Sitompa langit pakon tanoh on. Amen.
(Basaon
ma sada ayat na marpardomuan hubani goran ni Minggu/Pesta)
Kuria :
(Mandodingkon Haleluya No. 302: 1) Puji hita Naibatanta, puji hita AnakNi in.
Puji hita ‘ge Tonduyni, Sitolu sada do in. Haleluya, Haleluya, Sitolu sada do
in.
Atap
(Mandodingkon Haleluya No. 303: 1)
Napansing,
napansing, Tuhan Parkuasa. An on hanami mamuji Naibata. Napansing, napansing
janah marjumbalang. Sitolu sada na sangap tumang.
Atap (Mandodingkon Haleluya No. 309: 1)
Au sol
dohor Bamu, Ham Naibata. ‘Ge pe manaron au, huporsan ma. Mandoding do au on,
mamuji Ham tongtong. Lambin dohor Bamu, dohor Bamu.
Paragenda
: Martonggo ma hita!
(Basaon
ma sada ton ggo na marpardomuan hubani goran ni Minggu/Pesta)
2. MANDODING :
3. MAMBASA TITAH : (Model “A”)
4. MANDODING :
5. HASASAPAN NI DOUSA : (Model “A”)
6. MANDODING :
7. MAMBASA SIBASAON : (Model “A”)
(Sahalak
humbani pagori ni kuria)
8. MANDODING :
9. MANAKSIHON HAPORSAYAON /ACARA KHUSUS :
(Hun
bani Apostolicum atap Niceanum)
10. MANDODING :
11. AMBILAN
Parambilan
:
*
Martonggo paima Ambilan
*
Mambasa Teks ni Ambilan, Amen.
Kuria :
(Mandodingkon
: Haleluya No. 18: 1)
Hatamu
ale Tuhanku, arta siharganan ai.
Sai
palongkot bai uhurhu, ulang lang hujolom ai.
Anggo
seng be sijoloman, Hata na madear in.
Aha ma
na baen onjolan ni haporsayaonkin.
Parambilan
: (Marambilan … Amen)
Kuria : (Mandodingkon):
Logu ni songon Haleluya No. 332: 1)
Hatamu ale Tuhan, ondos ma bai uhurhon,
Sai margogoh ma tongon, pabayuhon
goluhkon,
Sai patotap uhurhon, mambalosi Ham
tongtong
Sadokahni goluhkon, hupasangap Ham
tongtong
(Atap Haleluya No. 22: 1)
Sai amen huhatahon, pabulus Ham uhurhu
Manjalo Hatamu, uhurhu pe patongtong
O Jesus Tuhannami, marhitei-hitei
TonduyMu.
(Atap na legan na mardomu hubani Ambilan)
12. MANGGALANG : (Model A)
13. TONGGO GALANGAN – PANUTUP – PASU-PASU
: (Model A)
Kebaktian Minggu Model “E”
1. VOTUM – INTROITUS – TONGGO :
(Model
“C”)
2. MANDODING:
3. HASASAPAN NI DOUSA :
Paragenda
:
Riap ma
hita jongjong! Martonggo ma hita mansopotkon dousanta.
Ham
Tuhan Naibata, ibagas toruh ni uhur roh do hanami huBamu mamboban
hagalekonnami. Ai na mangaku do hanami, buei do lang ihorjahon hanami aha na
patut sihorjaonkonnami. Halani ai patut do hanami honaringisMu. Ham Tuhan, idop
ma uhurMu bennami.
Kuria
: (Mandodingkon Haleluya No. 238: 1)
Sai hu
lobeimu Tuhanku, huuseihon uhurhon;
Sai
pasiat Ham tonggongku, pakon ganup iluhkon.
Paragenda
:
Gati do
hanami mangelak humbani tanggung-jawabnami, janah hurang barani do hanami
mamorsan silang, halani mabiar hanami bani resiko. Bueinan do ipakei hanami
panorang mamingkirhon dirinami sandiri marimbang mamingkirhon na hinarosuhkon
ni uhurMu. Paluah Ham ma hanami humbani uhur biar pakon gobir. Ham Tuhan, idop
ma uhurMu bennami.
Kuria : (Mandodingkon Haleluya No. 238: 2)
Husolsoli do uhurhu, na gok dousa in
tongtong;
Ai buei ari-aringku, hu parambur-ambur
tong.
Paragenda :
Sonari iboban hanami do haganup dousanami
hu lobeiMu, irik mangakuhon, na sirsir do hanami pabayuonMu, ase boi hanami
mandalankon hataMu, janah bere Ham ma TonduyMu laho mambobai hanami bani
goluhnami. Ham Tuhan, idop ma uhurMu bennami.
Kuria : (Mandodingkon Haleluya No. 238: 6)
Mangirikkon Ham Tuhanku, sai malas do
uhurhin
Sai totap ma in padanku! Amen, saud ma
hata in!
Paragenda : Tangar hita ma Hata ni Naibata, bagah-bagah
pasal hasasapan ni dousa.
(Basaon ma sada bagian ayat bagah-bagah
pasal hasasapan ni dousa).
Hasangapon ma bani Naibata i babou.
Kuria : 1 7 6 . 5 ! 1 7
6 . 5 !
4 3 2 . 1
A men
A men A men
Catatan :
Doding Haleluya No. 238 : 1, 2, 6 boi
igantih bani Haleluya No. 356 1, 2, 3, atap No. 235 : 4, 5, 6, atap No. 364:
1,2,3.
4. MANDODING :
5. MAMBASA SIBASAON :
Paragenda :
Tangar hita ma Hata ni Naibata na tarsurat bani …..
(Hun bani sibasaon Ari/Minggu ai. )
Amen. Martuah do na manangar Hata ni
Naibata anjaha na marimbagashonsi!
Kuria :
(Mandodingkon)
Amen,
Amen, Amen.
(Laguni
dos pakon na i atas)
6. MANDODING :
7. MANAKSIHON HAPORSAYAON /ACARA KHUSUS :
Paragenda
: Riap ma hita jongjong! Saksihon hita ma haporsayaonta in, songon na
sinaksihon ni haganup halak na porsaya bani sab tanoh on!
(Humbani
: Apostolicum atap Niceanum atap Athanasianum)
(Hundul)
8. MANDODING :
9. TONGGO SYAFAAT PAKON TONGGO RIAP :
Paragenda
:
Riap ma
hita jongjong!
Martonggo
ma hita.
(Manonggohon
na porlu/khusus) …………Amen.
Ham
Bapanami na i nagori atas, sal napapansing ma GoranMu.
Kuria :
Ajari Ham ma hanami laho papansing GoranMu, marhiteihon nasirsir hanami
manangihon pakon mangkorjahon HataMu ibagas goluh nami.
Paragenda
: Sai roh ma harajaonMu. Sai saud ma
harosuh ni uhurMu i nagori tongah on songon na i nagori atas.
Kuria
: TonduyMu Napansing ma marianan
bennami, ase ipargogohi hanami laho pataridahkon tanda-tanda ni harajaonMu
pakon pasaudkon harosuh ni uhurMu i tanoh on, marhitei pambalosion ampa
pangabak na talup i lobeiMu.
Paragenda
: Bere Ham ma bannami sadari on
hagoluhan ari-ari.
Kuria: Ajari Ham ma hanami, ase lambin mangidah,
mananda janah mambotoh, na pitah Ham do harohan hagoluhannami, ase ihamalaskon
hanami buei ni silayak-layakMu, no dob binereMu pakon na sihol bereonMu ope
bennami.
Paragenda: Sasap Ham ma dousanami songon panasapnami
bani dousa ni hasoman, na mardousa dompak hanami.
Kuria: Ajari Ham ma hanami mangkaholongi
hasoman-nami, songon pangkaholongiMu bennami, ase na madear ibahen hanami balos
ni na jahat, lang marsubil, lang mardomdom, tang marmapas ni uhur hanami hubani
hasoman. Pargogohi Ham ma hanami, ase tongtong mambalosi Ham janah
manghaholongi hasoman.
Paragenda
: Ulang hanami bobai Ham hu parlajouan. Paluah Ham ma hanami humbani pangagou.
Kuria :
Ham Tuhan Naibata, parorot anjaha parmudu-mudu Ham ma hanami laho manlembangi
dousa pakon si-ding ni sibolis, ase monang hanami mangimbang pangagou in.
Paragenda
: Ai Ham do Simada harajaon, pakon hagogohon ampa hasangapon sadokah ni dokahni.
Amen.
Kuria :
(Mandodingkon) :
Amen,
Amen, Amen.
(Loguni
dos pakon na i atas)
10. MANDODING :
11. AMBILAN :
12. MANGGALANG : (Model “A”)
13. TONGGO GALANGAN – PANUTUP – PkSU-PASU
:
(Catatan : Lang pala dihut ijon tonggo
“Ham Bapanami”)
Baca Juga : ( Pengakuan Iman Rasuli (Hata Haporsayaon)- Siboro Blog )
0 komentar:
Posting Komentar